Madhya Pradesh News : साधु मन के पिटाई : ब्राह्मण होय के मांगे गिस सबूत, झोला ले उर्दू म दस्तावेज मिले म मचिस हंगामा

भिंड। मध्यप्रदेश के भिंड जिला ले एक हैरान करइया मामला आगू आय हे, जहाँ भिक्षा मांगइया दू साधु मन के कुछ युवक मन ह जमके धुनाई कर दीन। मामला ओ बखत बिगड़िस जब युवक मन ह साधु मन ले ब्राह्मण होय के सबूत मांगिन अउ धर्म-करम ले जुड़े सवाल पूछिन। साधु मन के झोला ले उर्दू भाषा म दस्तावेज मिले के बाद युवक मन भड़क गे अउ मारपीट सुरू कर दीन। ए पूरा घटना के वीडियो अब सोशल मीडिया म जमकर वायरल होवत हे।

ये पूरा मामला देहात थाना क्षेत्र के आय। जानकारी के मुताबिक, बायपास निरंजन वाटिका तिराहा के करा कुछ युवक मन ह दू साधु मन ल पकड़ लीन। युवक मन ह ओ मन ले महाभारत के पात्र मन के नाम, रामायण के चौपाई अउ भगवान शंकर अउ लक्ष्मण जी के पत्नी के नाम पूछिन। जब साधु मन कूनो सही जवाब नहीं दे पाइन, त युवक मन ल संखा हो गे।

उर्दू म दस्तावेज देख के भड़किन युवक हैरानी के बात तब होइस जब युवक मन ह साधु मन के झोला के तलासी लीन। झोला म मिले सबो सरकारी कागज अउ दस्तावेज उर्दू भाषा म रहिन। एला देख के युवक मन अउ जादा गुस्सा हो गे अउ कहिन कि “तुम मन हिंदू नो हौ, भगवा ओढ़ के ढोंग रचत हौ।” युवक मन के कहना हे कि सनातन धर्म के नाव म अइसन मजाक बर्दास्त नहीं करे जाही। फिलहाल, पुलिस ह ए मामला के संज्ञान ले हे अउ जांच-पड़ताल म जुट गे हे।