गूगल मैप्स के नवा ‘Ask Maps’ फीचर: अब रद्दा खोजे बर नई होय परेशानी, सुंदर पिचाई ह लांच करिस AI सुविधा

Google Maps AI India : नई दिल्ली : गूगल ह अपन मैप्स सर्विस ल अउ जादा स्मार्ट बनावत हुए भारत में ‘Ask Maps’ नाम के एक नवा AI फीचर लांच करे हे। एला खुद गूगल के CEO सुंदर पिचाई ह दुनिया के सोझा रखे हे। अब गूगल मैप्स सिरिफ रद्दा बताय के साधन नई रह गे हे, बल्कि ये आप मन के ‘लोकल प्लानिंग असिस्टेंट’ बन गे हे। जेकर मदद ले आप मन कोनो भी जगह के बारे में डिटेल में गोठ-बात कर सकत हव।

का आय ये ‘Ask Maps’ फीचर?
ये फीचर Gemini AI के संग मिलके काम करथे। अब आप मन ल कोनो जगह खोजे बर अलग-अलग सर्च करे के जरूरत नई हे। आप मन सीधा सवाल पूछ सकत हव, जैसे कोनो संगी ले गोठियाथव। ये फीचर ह 300 मिलियन ले जादा जगह अउ करोड़ों मनखे मन के रिव्यू ल देख के आप ल एकदम सही जवाब देही।

सर्च अउ ‘Ask Maps’ में का अंतर हे?
पुराना सर्च में आप ल सिरिफ रद्दा दिखय, फेर ‘Ask Maps’ ह आप ल सलाह घलोक देही।

उदाहरण के बर: अगर आप मन पुछहूँ कि “मंडी हाउस ले नोएडा जाय बर मेट्रो बढ़िया रही कि कार? अउ रद्दा में बढ़िया चाय कहाँ मिलही?”

जवाब: तो ये AI ह आप ल लाइव ट्रैफिक अउ मेट्रो के टाइम ल मिला के बताही कि कऊन हा जल्दी पहुँचाही। संग में रद्दा में कऊन सा चाय दुकान ह सबले बढ़िया हे, ओकरो जानकारी देही।

कइसे करहू इस्तेमाल?
अभी ये सुविधा एंड्रॉइड अउ आईफोन (iOS) में अंग्रेजी भासा में सुरु होय हे। गूगल ह कहे हे कि जल्दी ही एमा हिंदी अउ दूसरा भासा मन के घलोक सपोर्ट मिलही। एला इस्तेमाल करे बर आप मन ल सिरिफ अपन गूगल मैप्स ऐप अपडेट करना होही अउ ओमा दिय गे ‘Ask Maps’ वाले बटन में जाके अपन सवाल पूछना होही।