कुलगाम आतंकी हमला: 2 मजदुर मन के मउत, सीएम साय ह करिन 20-20 लाख सहायता के ऐलान

Kulgam terror attack : रायपुर। जम्मू-कश्मीर के कुलगाम म हुए कायरतापूर्ण आतंकी हमला म जान गंवाए छतीसगढ़ के दू ठन गरीब मजूर मन के परिवार बर राज्य सरकार ह बड़े राहत के घोषणा करे हे। मुख्यमंत्री विष्णुदेव साय ह पीड़ित परिवार मन बर गहरा दुख जतावत सक्ती जिला के दीपक रात्रे अउ सारंगढ़-बिलाईगढ़ के भूपेंद्र भैना के परिवार मन ल 20-20 लाख रुपिया के आर्थिक सहायता दे के ऐलान करे हे।

मुख्यमंत्री ह ए हमला के कड़ा शब्द म निंदा करत कहिन कि निरदोस मनखे मन ल निशाना बनाना मानवता के खिलाफ अपराध ए। संकट के ए कठिन समय म छतीसगढ़ सरकार पीड़ित परिवार मन के संग पूरी संवेदनशीलता के संग ठाढ़े हे। घटना के जानकारी मिलतेच राज्य सरकार के बड़े अधिकारी मन ल सक्रिय कर दे गे हे। जम्मू-कश्मीर प्रशासन के संग लगातार संपर्क बनाए रखे अउ परिवार मन ल तुरंत मदद पहुंचाए बर नोडल अधिकारी घलो नियुक्त करे जावत हे, ताकि सबो जरूरी काम जल्द ले जल्द पूरा हो सके।