शराब घोटाला : कवासी लखमा के जमानत याचिका में आज सुप्रीम कोर्ट मा होही सुनवाई

नई दिल्ली/रायपुर। छत्तीसगढ़ के चर्चित शराब घोटाला मामला मा आरोपी बनाए गे पूर्व मंत्री कवासी लखमा के जमानत याचिका पर आज सुप्रीम कोर्ट मा सुनवाई होही। जानकारी के मुताबिक, मुख्य न्यायाधीश न्यायमूर्ति सूर्यकांत के अध्यक्षता वाली पीठ ए मामला के सुनवाई करही।

कवासी लखमा ऊपर शराब सिंडिकेट ले करोड़ों रूपिया के कमीशन लेवे के गंभीर आरोप लगे हे। ए मामला मा जांच एजेंसी मन ह ओखर खिलाफ पुख्ता सबूत होय के दावा करे हें। बता दन कि कवासी लखमा ह पहिली घलो निचली अदालत अउ हाई कोर्ट मा जमानत बर अर्जी लगाय रहिन, ऊंहा ले राहत नई मिले के बाद अब ओ मन ह सुप्रीम कोर्ट के दरवाजा खटखटाय हें।

ए मामला मा प्रदेश के सियासत घलो गरमाय होय हे। आज होवइया सुनवाई मा सुप्रीम कोर्ट का फैसला सुनाथे, एखर ऊपर सबो के नजर टिके हे। अगर आज ओ मन ला जमानत मिल जाथे त ये कवासी लखमा बर बड़ राहत के बात होही, नई त ओखर मुसकिल अउ बढ़ सकत हे।