Ram Mandir Ayodhya : राम मंदिर म प्राण प्रतिष्ठा के बाद PM मोदी ह फहराइस ऐतिहासिक ध्वजा….

Ram Mandir Ayodhya : अयोध्या, उत्तर प्रदेश : रामलला के प्राण प्रतिष्ठा के बाद आज अयोध्या म एक अउ इतिहासिक बेरा आइस। परधानमंत्री नरेंद्र मोदी ह राम मंदिर के मुख्य शिखर म भव्य धरम धजा फहराइस। अभिजीत मूहूरत म पीएम मोदी के बटन दबात ही, 2 किलो के केसरिया धजा 161 फीट ऊँचा शिखर म शान ले लहराए लगिस। ये घटना ह मंदिर निर्माण के काम पूरा होए अउ नवा जुग के सुरू होए के संदेस देवत हे।

Ram Mandir Ayodhya : गरभ गृह म पीएम मोदी अउ मोहन भागवत ह करिन बिसेस पूजा

धजारोहण ले पहिली परधानमंत्री नरेंद्र मोदी ह राम मंदिर के गरभ गृह म भगवान रामलला के दरसन करिन अउ बिसेस पूजा-अरचना म सामिल होइन। ए बेरा ओकर संग राष्ट्रीय स्वयंसेवक संघ (RSS) के मुखिया मोहन भागवत घलो मउजूद रहिन।

पूजा के समे उत्तर प्रदेश के मुख्यमंत्री योगी आदित्यनाथ अउ राज्यपाल आनंदीबेन पटेल घलो बिसेस रूप ले हाजिर रहिन। सबे मनखे मन मिलके रामलला के अराधना करिन अउ देस अउ धरम के सुग्घर होए बर परारथना करिन।

ए मउका म अयोध्या के महौल भक्तिमय अउ उत्साही रिहिस। धजारोहण अउ पूजा-अरचना के ये कारयकरम राम मंदिर आंदोलन के सफल होना अउ देस के संसकिरतिक चेतना के फेर जागृत होए के चीन्हा बन गे हे।