आज लगही साल के पहिली सूर्य गरहन : जानव कतका बजे ले सुरु होही…

Solar Eclipse 2026 : रायपुर। फागुन महीना के अमावस्या तिथि यानी आज 17 फरवरी के साल के पहिली सुरुज गरहन (Solar Eclipse) लगे बर जावत हे। धरम-करम के मानना हे कि गरहन के बेरा में पूजा-पाठ अउ खाना-पीना मना रहिथे, लेकिन छत्तीसगढ़ अउ पूरा भारत बर राहत के बात ये हे कि ए गरहन इहां नहीं दिखही। जब गरहन दिखबे नहीं करही, त सूतक के घलो कोनो नियम माने के जरूरत नहीं हे।

कतका बजे लगही गरहन? खगोल सास्तर अउ पंचांग के मुताबिक, सुरुज गरहन ह भारतीय समय के हिसाब ले मंझनिया 3:26 बजे ले सुरु होही, जौन ह संझा 7:45 बजे खतम होही। हालांकि, भारत में नहीं दिखे के बाद घलो ज्योतिष मन के कहना हे कि ए गरहन के असर सबो 12 रासि मन ऊपर थोक-बहुत जरूर पड़ही।

कहाँ-कहाँ दिखही सुरुज गरहन? ए सुरुज गरहन ह अटलांटिक, अर्जेंटीना, जिम्बाम्बे, नामीबिया, चिली, दक्षिण अफ्रीका अउ मॉरीशस जइसन देस मन में साफ-साफ दिखाई दिही। भारत में गरहन नहीं दिखे के कारण मंदिर मन के पट खुले रहिहें अउ रोज के जइसन पूजा-पाठ होही।