छत्तीसगढ़ मं 200 यूनिट तक बिजली बिल आधा करे के तैयारी

रायपुर। छत्तीसगढ़ सरकार अब फिर ले जनता बर राहत दे के तैयारी मं लग गे हवय। सरकार बिजली बिल हाफ करे के योजना मं फेर एक कदम आगे बढ़ाय हवय। 200 यूनिट तक बिजली खपत करे वाले ग्राहक मन बर बिल आधा करे के प्रस्ताव मुख्यमंत्री सचिवालय ला भेजे गेय हवय।

जानकारी अनुसार, इ योजना ले करीब 14 लाख घरेलू उपभोक्ता मन ला फायदा होही। अभी तक जऊन उपभोक्ता मन 900 रुपिया तक बिल भरथें, ओमन ला अब सिरिफ 450 रुपिया तक बिल भरना परही।

ऊर्जा विभाग के अफसर मन कहिन के मुख्यमंत्री सचिवालय ले मंजूरी मिलतेच योजना ला लागू कर दे जाही। इ योजना के मकसद मं सामान्य परिवार मन ला आर्थिक राहत देना अउ बिजली बिल के बोझ कम करना हवय।

बताय जावत हवय के इ योजना बर विभाग के फाइल मुख्यमंत्री सचिवालय मं भेज दी गेय हवय, जेकर ऊपर जल्द निर्णय लेय जाही।