मेकाहारा के कचरा डब्बा पासे मिलिस भ्रूण: बाहर ले अइस दो झन छोड़ के भाग गिन, अब तक नइ होइस पहचान
रायपुर के डॉ. भीमराव अंबेडकर अस्पताल (मेकाहारा) के अंदर बड़का हड़कंप मच गीस जब कचरा डब्बा पास एक भ्रूण मिलिस. जानकारी मिलतच अस्पताल प्रबंधन अउ पुलिस टीम मौके मं पहुंचिस.
बताय जावत हे कि शुक्रवार के बिहान करीबन 9 बजे अस्पताल के कचरा डब्बा पासे दू झन लोग आइन अउ एक छोट लिफाफा राख के चले गिन. बाद मं जब सफाई कर्मचारी मन कचरा उठावत रहिन, त ओमन लिफाफा खोले रहिन त अंदर ले भ्रूण निकलिस.
अस्पताल प्रबंधन तुरते मेडिकल पुलिस चौकी ला जानकारी दीस. पुलिस अब सीसीटीवी फुटेज के जांच करत हे. अब तक वो दू झन के पहचान नइ हो पाई हे जे मन भ्रूण छोड़ के भाग गिन.
मेकाहारा प्रबंधन कहे हे – “ये मामला गंभीर हे, CCTV मं सबकुछ कैद हे. शक वाले मन के पता लगाय जाही.”
पुलिस के मुताबिक, संभावना हे कि भ्रूण अस्पताल के भीतर के मरीज या बाहरी महिला ले जुड़त हो सकथे. जांच जारी हे.
OneChhattisgarh.Com संपादकीय टीम — छत्तीसगढ़ की ताज़ा खबरें, सरकारी योजनाएं, रोजगार समाचार व जनहित के मुद्दों पर निष्पक्ष और सटीक पत्रकारिता।
सभी लेख देखें →
Post Comment